కేతిధరా జై సేవ
కేతిధరా జై సేవ
జోడి కొందంగ్ జోడి కొందంగ్
కెయిదనేే నయంగాళ్
కెయిదేనే నయంగాళ్
కేతి బాడీ కీకి కేతి బాడీ కీకి.
కెయిదే నే తుత్తరి
కెయిదే నే కసర
జువ్వ పియసి
జోత పియిషీ
కూస లావి కేసి
నో డే తే షేర్ పుహికి
షేర్ పీయికి షేర్ పీయికి.
జి కొంద ఇనికి
జి కొంద ఇనికి.
రోత బయ్యల్ రోత బయ్యల్
నేహిలి తలదే తోచి తరర్
నేహిలి తలదే తోచి తరర్.
మర్రా తా దాడిమి బుడ్
ఉచ్చి నేహిలి కీకి.
బాయి కుంటాంగ్ పేర్రర్
బాయి కుంటాంగ్ పేర్రర్.
విజ్జాంగ్ మోహితుర్ కికిట్
పేర్ని పియికిట్
పేర్ని పియికిట్.
కొందంగ్ నగ జీలాంగ్
ధోహిచి సవిరి కికిట్.
బాయి కెయిదే విజ్జా పియర్
బాయి కెయిదే చేడే పియర్.
కెయిదే సెట్టెడ్ పియసి
కెయిదే సెట్టెడ్ పియసి
ముర్షి కొరిసెర్
ముర్షి కొరిషేర్
జాడి యెహరే బాయి
జాడి యెహోరే బాయి
పిర్ వడి పిర్ వడి
ఎద్ధి దాడిమి ఎద్ధి దాడిమి
నిమే కామ్ కీకి
నిమే కామ్ కీకి
నరక జాగిలి
నరక జాగిలి
మనకీ మనకి.
పంట పండుసి
పంట పండుసి
కావ్సెర్ రోన్ తరికి
కావ్సెర్ రోన్ తరికి.
దునియతున్ పెట్టి మెన్
దునియతున్ పెట్టి మెన్
గాటో సింథి గాటో సింథి
నీ బిగర్ నీ బిగర్
జగత్ సెల్లె
జగత్ సెల్లె.
దహ బొటన ముజేర
దహ బొటన ముజేర
కేతిధరా జై సేవా
కేతి ధార జై సేవా.
మంగం విశ్వం.ఎం. ఏ. ఎం. ఫీల్.పిహెచ్. డి.ఆంత్రోపాలజీ. పాండిచేరి సెంట్రల్ యూనివర్సిటీ. Anthropological society of participation in intensive & indigenous research for empowerment.General secretary.Telangana.
ఆదివాసీ సాహిత్య సంఘం.
No comments:
Post a Comment
Thank you So Much for your Useful Suggestion..!!
Note: Only a member of this blog may post a comment.