ఓ
కాలమా... కరుణించమ్మా...!
ఓ కాలమా కరుణించవా...
రైతన్నల ఆవేదన ఆలకించవా...
ఎవరెవరి మీదో నీ ఆవేశం
మరెవరి మీదో నీ ఉగ్రత
వేరెవరి మీదో ఎందుకమ్మా....!
ఓ కాలమా... కరుణిచవా....
రైతన్నల ఆవేదన ఆలకించవా.... !
నీలి వర్ణంతో నిగనిగలాడే ఆకాశం
అరుణోదయ కిరణాలతో ఎరుపెక్కితే భయం
ఏ రకం ఎండలతో నేలనెక్కడ నెర్రెలాడ్చుతుందోనని
నిర్మలమైన ఆ ఆకాశం
నీలి మేఘాలతో నిండిపోతె భయం
ఎక్కడ నేలని నీటితో ముంచెత్తి వరద బీభత్సాలని సృష్టిస్తుందోనని
ఓ... కాలమా ఎందుకింత కక్ష
ఎవరెవరో చేసిన తప్పులతొ నీవు మలినమయావో
ఎక్కడెక్కడి కలుషితాలతో నీ మనసు కకావికలం అవుతున్నదో
వారి పై చూపించమ్మ నీ ఉగ్రత
నిన్నే నమ్ముకొని, నిన్నే పూజించే
నీవే జీవనంగా నీతోనే జీవించే
ఈ రైతన్న పై ఎందుకమ్మ అంత కక్ష... !
కాలమా మమ్ము కరుణించవా...
ఈ రైతన్నల ఆవేదన ఆలకించవా....!!
నీ ఆవేశం ను అనుచుకొని..నీ ఉగ్రత ను ఓర్చుకొని
మమ్ము ఓదార్చ రావమ్మ...
ఓ.... కాలమా....
మమ్ము దీవించ రావమ్మ.
కాలమా మమ్ము కరుణించవా...
ఈ రైతన్నల ఆవేదన ఆలకించవా...!!!
భుజ్జు. ఇర్ప 🖋
No comments:
Post a Comment
Thank you So Much for your Useful Suggestion..!!
Note: Only a member of this blog may post a comment.