ఆదివాసీ గుడాలు ఆకుపఛ్చని జెండాలతో...రెపరేపలాడాయి జై ఆదివాసీ ||GONDWANA CHANNEL||

ఆదివాసీ గుడాలు ఆకుపఛ్చని జెండాలతో...రెపరేపలాడాయి

ఒక్కసారిగా...ప్రకృతి పచ్చ బడింది.ఐక్యత వెల్లివిరిసింది

ప్రపంచ ఆదివాసీ దినోత్సవం ఆదివాసీలను ప్రకృతి ప్రేమికుల్ని చేసింది.

ఆదివాసీ గుడాలు ఆకుపఛ్చని జెండాలతో...రెపరేపలాడాయి

నింగిని ,నేలను ఏకం చేస్తూ...ఆదివాసీ జెండాలు ఐక్యతను చాటిచెప్పాయి.

ఆదివాసీల ఐక్యత హద్దులు దాటి హరితవనమై...కళకల లాడింది....అడవితల్లి మైమరచి పరవశించి పోయింది

ప్రపంచ ఆదివాసీ దినోత్సపు సంబురాలు అంబరాన్ని అంటాయి...పుడమి పులకించింది
ఆకాశం ఆనందపడింది
అడవి సంబరపడింది.
ఐక్యత...వెల్లువిరిసింది

కొమురంభీం పోరాటాలు ఆకుపచ్చని జెండాలై... హక్కుల గర్జన చేశాయి.

బిర్సాముండ యుద్దావిన్యాసాలు
ఆకుపచ్చని జెండాలై...నింగిలో ఎగిరాయి

సమ్మక్క-సారక్కల స్వయంపాలన పోరాట వారసుల...పొరుజెండాలు విజయ విహారం చేశాయి.

మద్దిరాంచంద్రం...ఆశయాలు ఐక్యంగా నింగికెగిసాయి.

సోయం గంగులు బెబ్బిలి...గర్జనలు ఆకాశంలో మారుమోగాయి.

చిడం శంభు గారి ఉద్యమ గొంతుకలు...ఆకుపచ్చని జెండాలై...ఐక్యంగా గొంతువిప్పాయి.

పండు దొర పోరాట వారసత్వాలు....జవసత్వాలు కూడగట్టుకొని పచ్చని జెండాలై...నింగిని నింపేసాయి.

ప్రపంచ ఆదివాసీ దినోత్సవం...ఆకు పచ్చని జెండాల ఐక్యతా తోరణమైంది.

జై....ఆదివాసీ
జై..జై ఆదివాసీ

ఆదివాసీల ఐక్యతా వర్ధిల్లాలి