ఎవడురా?వాడెవడురా?
మా భావ ప్రకటనా స్వేచ్ఛను
బంధించేదెవడురా
మా వేదికల్ని మూసుకొమ్మని
చెప్పేది ఎవడురా? // ఎవడురా//
మాకలాలపై గళాలపై
నిర్భంధం ఎందుకు?
అణగారిన జనాలకు
అండగ ఉన్నందుకా
మీ దోపిడి దొరతనాని
కడ్డు తగిలినందుకా? // ఎవడురా//
ఆదివాసులనడవినుండీ
తరిమి వేసెటందుకా?
అడవంతా కార్పోరేట్
కప్పగించెటందుకా? //ఎవడురా//
మీ నియంతృత్వ పోకడలు
నింగినంటేటందుకా?
మీ ఇనుపా పాదాలతొ
అణిచివేయటానికా? // ఎవడురా//
మా కలాల్ని ఇరిసేసినా
మాగళాల్ని మూసేసినా
ఫీనిక్స్ పక్షిలాగ పుట్టుకొస్తుంటమూ
మీ దోపిడీ కోటలను
కూలదోస్తుంటమూ....! !
✊✊✊✊✊✊✊
వుకే రామకృష్ణ దోర
ఆదివాసీ నాయకుడు
No comments:
Post a Comment
Thank you So Much for your Useful Suggestion..!!
Note: Only a member of this blog may post a comment.